Протео, едно од омилените кучиња за спасување во Мексико, кое беше испратено во Турција за да им помогне на единиците за спасувачки операции, загина во потрага по преживеани под урнатините.
Тој спасил повеќе од 10 луѓе.
„Длабоко жалиме за загубата на нашата голема придружничка, кучето Протеа“, соопшти мексиканското Министерство за национална одбрана.
Hoy murió tras Este derrumbe#Proteo UN elemento del #EJERCITOMEXICANO
Canino de rescate😭😭😭😭😭😭😭😭😭😭🙏🙏🙏🙏🙏🙏🙏🙏🙏🙏💔💔💔💔💔💔😭😭#ProteoHeroe pic.twitter.com/lZr4UbtLU5
— Dora Alvarenga (@DoraAlvarenga2) February 12, 2023
„Ја исполни својата мисија како член на мексиканската делегација во потрагата и спасувањето на нашите браќа во Турција. Ти благодариме за херојската работа“, се вели во соопштението на министерството објавено на Твитер.
Според турските медиуми, кучето загинало во урнатините кога една од бетонските плочи се откинала и паднала врз Протеа.
На задачата во Турција, спасил од 10 до 15 луѓе.
Протео беше едно од 16-те кучиња трагачи испратени од Мексико во Турција минатата недела за да помогнат во операциите за пребарување и спасување по разорниот земјотрес.
Gracias #Proteo por tu heroica labor, cumpliste la misión #perrito del #EjércitoMexicano #fuerzaturquia🇹🇷 #sismo #esperanza pic.twitter.com/bQdgxT3wnH
— @SEDENAmx (@SEDENAmx) February 12, 2023
„Срцето на нашиот спасувачки тим моментално лета за Турција“, напиша во вторникот на Твитер мексиканскиот министер за надворешни работи Марсело Ебрард.
Мексико, кое има чести земјотреси поради својата тектонска средина, е добро познато по своите високо обучени и специјализирани кучиња за пребарување и спасување.
Најавено е дека ќе се одржи проштална церемонија за Протеа, организирана од неговите колеги спасувачи.