Во Пакистан ненадејно падна снег, загинаа 35 лица (ВИДЕО)

On:
Сподели со своите пријатели

Најмалку 35 луѓе загинаа, а десетици се повредени откако замрзнат дожд и неочекуван снег ги погодија оддалечените области на Пакистан во текот на викендот.

Меѓу загинатите има и 22 деца, од кои многумина беа згмечени во одроните што ги затрупаа нивните домови, соопштија службите за справување со катастрофи.

Екстремните временски услови ги погодија северните и западните региони на Пакистан, заглавувајќи патишта и стотици куќи.

Снегот во март во Пакистан е невообичаена појава, со оглед на нормално влажната клима.

Муштак Али Шах, поранешен директор на метеоролошкиот оддел во земјата, ги припиша необичните услови на климатските промени.

ПРОЧИТАЈТЕ И:  Хорор во Канада: 11 лица повредени во напад на гризли, меѓу жртвите има и деца

 

 

„Видов снег пред 30 години“

Тој додаде дека слабо невреме со град што ќе трае „неколку моменти“ нема да биде толку изненадувачки, но невообичаено е да трае повеќе од 30 минути.

Хаџит Шах, жител на округот Кирк во северозападната провинција Хајбер Пахтунхва, рече дека само еднаш доживеал снег во неговото соседство.

ПРОЧИТАЈТЕ И:  Брачен пар украл милион евра од паркинг машини: Имале неверојатен метод

„Како што се сеќавам, паѓаше слаб снег неколку минути пред околу 25 или 30 години“, изјави тој за Би-Би-Си.

Обилните дождови целосно уништија најмалку 150 куќи и делумно оштетија 500 други, главно во Хајбер Пахтунхва и југозападната провинција Балучистан, соопштија властите.

Во некои области струјата е целосно исклучена веќе неколку дена. Покраинската влада на Хајбер Пахтунхва обезбеди помош за погодените области и најави финансиска помош за повредените и семејствата на загинатите.

Пакистанската метеоролошка служба објави во својата неделна прогноза дека до крајот на оваа недела се очекува „главно студено и суво време“ во поголемиот дел од земјата, иако снежни врнежи се очекуваат во некои делови на Балучистан и Кашмир.

ПРОЧИТАЈТЕ И:  Грета Тунберг доби забрана за влез во Венеција