Најмалку 20 лица се водат како исчезнати по насилните протести што ја потресоа Индонезија од минатата недела, објави денес локална организација за човекови права.
„По претресите и проверките, 20 лица се уште се водат како исчезнати“, објави Комисијата за исчезнати лица и жртви на насилство (KontraS).
Протестите првично започнаа на 25 август во знак на протест против исплатената отштета на членовите на парламентот.
Протестите се интензивираа по смртта на возач на мотоцикл-такси во Џакарта во четвртокот, откако беше прегазен од полициско комбе.
Шест лица загинаа на тие собири.
KontraS соопшти дека 20 лица се водат како исчезнати во градовите Бандунг, Џакарта и Депок, град во близина на главниот град.
Неколку илјади луѓе повторно протестираа во понеделник во неколку индонезиски градови, а војската беше распоредена на улиците на Џакарта.
Тој очекува демонстрациите да продолжат во текот на целиот ден низ целата земја.
Обединетите нации во понеделник повикаа на брза, темелна и транспарентна истрага за смртта на шест демонстранти за време на собирите што беа насилно потиснати од безбедносните сили.