Бројот на работни денови изгубени поради штрајкови во Германија се удвои минатата година во споредба со претходната година и се искачи на повеќе од 1,5 милиони, покажа студијата на Институтот за економски и социјални науки (VSI).
Оваа организација посочува дека кризата на трошоците за живот и скокот на инфлацијата по пандемијата и војната во Украина предизвикаа бран од над 300 штрајкови во Германија, со навестување дека бројката оваа година може да биде уште поголема, што ќе зависи од исходот на синдикалните преговори во металната и енергетската индустрија наесен.
Кој штрајкуваше?
Студијата вели дека 1,52 милиони работни денови изгубени минатата година биле најмногу од 2015 година и зголемување од 126 отсто во однос на нивото од 2022 година.
Бран штрајкови на почетокот на годината ги погоди железницата, транспортот, аеродромите и авиокомпанијата Луфтханза и се совпадна со протестите на фармерите и буџетската криза.
Според VSI, Белгија забележала најмногу изгубени работни денови на 1.000 вработени поради штрајкови, со просек од 103 дена помеѓу 2013 и 2022 година, а потоа следат Франција и Финска со 92 и 90 дена соодветно. Германија е на осмото место, зад Британија, според студијата.