Индиректните преговори меѓу Израел и Хамас за договорот за прекин на огнот во Појасот Газа продолжија утрово во Доха, Катар, објави агенцијата Франс Прес.
„Досега не е постигнат никаков напредок и преговорите продолжуваат“, соопшти агенцијата, повикувајќи се на палестински извори блиски до преговорите.
Додадено е дека преговорите се фокусираат на механизмите за спроведување на договорот, особено на клаузулите поврзани со повлекувањето на израелската армија и хуманитарната помош за палестинската територија.
Денес е третиот ден од преговорите под покровителство на странски медијатори, повеќе од 21 месец по почетокот на војната во Појасот Газа.
Американскиот претседател Доналд Трамп, на вечера со израелскиот премиер Бенјамин Нетанјаху синоќа, изрази верување дека палестинскиот Хамас е подготвен да прифати прекин на огнот.