Времето денеска низ Македонија ќе биде променливо облачно и студено со сончеви периоди, информираат од Управата за хидрометеоролошки работи.
Ќе дува умерен, а долж Повардарието повремено засилен ветер од северен правец со брзина над 60 km/h.
Максималната температура ќе достигне од 2 до 9 степени.
Во Куманово и околината денеска ќе имаме облачно време со умерен до умерено засилен ветер од северен правец.
Утринската температура ќе се движи околу два степени под нулата, а максималната дневна околу 2 степени во позитива.
Утре низ кумановско ќе имаме претежно сончево време со мала облачност.
Ќе дува слаб до умерен ветер од северен правец.
Температурата во утринските часови ќе се движи околу -3 степени, а максималната дневна се очекува да достигне 5 степени целзиусови.
Во недела ќе имаме сончево време со слаб до умерен северен ветер.
Минималната температура ќе се движи околу -3 степени, а максималната се очекува да достигне шест степени целзиусови.
Понеделник носи сончево време. Ќе дува слаб до умерен ветер од западен и југозападен правец, а температурата ќе биде во интервал од минимални -4 до максимални 9 степени целзиусови.
Во вторник, на последниот ден од 2024 година, ќе имаме сончево и релативно потопло време од сега. Ќе дува слаб до умерен ветер од северен и северозападен правец. Температурата ќе достигне максимални 10 степени целзиусови.
Во новогодишната ноќ ќе влеземе на температура од околу -4 степени целзиусови и ведро небо.
Никола Ивановски