Времето денеска низ Македонија ќе биде променливо облачно и нестабилно со повремени локални врнежи од дожд и грмежи.
Како што информираат од Управата за хидрометеоролошки работи, наместа процесите ќе бидат поинтензивни во форма на невреме со пообилен пороен дожд, грмежи, силен ветер и изолирана појава на град.
Максималната температура ќе биде во интервал од 18 до 26 степени.
Во Куманово и околината денеска ќе имаме променливо облачно време, но без услови за дожд и нестабилност.
Ќе дува слаб до умерен ветер од јужен и југозападен правец.
Утринската температура ќе се движи околу 10 степени, а максималната дневна се очекува да достигне 22 степени целзиусови.
Во текот на ноќта ќе има услови за дожд.
Утре низ кумановско ќе имаме променливо облачно време со услови и за дожд, но и за сончеви периоди.
Ќе дува слаб до умерен ветер од северен правец.
Температурата во утринските часови ќе се движи околу 9 степени, а максималната дневна ќе достигне 19 степени целзиусови.
Во недела ќе имаме облачно време со врнежи од дожд и слаб до умерен ветер од северен и североисточен правец.
Минималната температура ќе се движи околу 9 степени, додека дневниот максимум се очекува да достигне 19 степени целзиусови.
Следната работна недела ќе имаме претежно стабилно и топло време.
Никола Ивановски