Времето денеска низ Македонијаќе биде променливо облачно и нестабилно со локален пороен дожд и грмежи, информираат од Управата за хидрометеоролошки работи.
Наместа во западните и источните делови ќе има појава на невреме со интензивен пороен дожд (над 20 l/m 2 ), грмежи и силен ветер (над 70 km/h).
Минималната температура ќе биде во интервал од 9 до 19, а максималната ќе достигне од 22 до 28 степени.
Во Куманово и околината денеска ќе имаме претежно облачно време со врнежи од дожд и услови за грмежи.
Ќе дува умерен до умерено засилен ветер од јужен и југозападен правец.
Утринската температура ќе се движи околу 11 степени, додека максималната дневна се очекува да достигне 24 степени целзиусови.
Од Управата захидрометеролошки работи е издадено жолто метео предупредување за кумановскиот регион, за опасност од засилен ветер.
Утре низ кумановско ќе имаме променливо облачно време со услови за нестабилност со дожд и грмежи.
Ќе дува слаб до умерен ветер од северен правец. Температурата во утринските часови ќе се движи околу 9 степени, додека дневниот максимум ќе се искачи на 18 степени целзиусови.
Променливо облачно со услови за врнежи од дожд ќе биде времето во недела, кога ќе дува и слаб до умерен северен ветер.
Температурата ќе се движи во интервал од минимални 9 до максимални 15 степени целзиусови.
Слично време ќе имаме и во текот на претстојната работна недела, а особено дожд се очекува од среда.
Никола Ивановски