Времето денеска низ Македонија ќе биде претежно облачно и со повремени врнежи од дожд, а на планините и на повисоките места од снег.
Повремено врнежите ќе бидат пообилни, наместа над 20 л/м2, на планините и на повисоките места ќе се формира нова снежна покривка, а температурите насекаде ќе опаднат, информираат од Управата за хидрометеоролошки работи.
Ќе дува умерен до засилен северен ветер (локално над 60 км/час). Максималната температура ќе биде во интервал од 2 до 9 степени.
Во текот на изминатото деноноќие во Куманово наврнале околу 13 литри дожд метар квадратен.
Денеска низ кумановско ќе имаме облачно време со врнежи од дожд и умерен до засилен ветер од северен и северозападен правец.
Утринската температура ќе се движи околу три степени, а максималната дневна ќе достигне само пет степени целзиусови.
Од страна на УХМР за регионот на Куманово за денеска се издадени два жолти метео аларми, едниот за врнежи од снег и мраз, а вториот за засилен ветер.
Утре во Куманово ќе имаме облачно време со врнежи од снег.
Ќе дува умерен до засилен ветер од северен и северозападен правец, а температурата ќе се движи во интервал од минимални два степени под нулата, до максимални четири степени целзиусови во текот на денот.
И за утре за кумановско има издадено жолт метео аларм за засилен ветер.
Недела носи мала стабилност и сончево до умерено облачно време.
Ќе дува слаб до умерен ветер од северн правец, а температурата ќе се движи од минимални -2, до максимални четири степени целзиусови.
Во поголемиот дел од следната работна недела ќе се задржи суво време со повеќе сонце.
Никола Ивановски