Кумановското дуо „Of Dogs & Walls“ го издаде својот прв сингл кој го носи насловот „Past Swirls and Pink Colored Worlds“.
Алек Димитриевски и Павел Јаневски се двајцата кумановци кои се дел од оваа дуо кое внесува свежина на кумановската музичка сцена, а текстот и композицијата е нивна лична креација.
Станува збор за млади и талентирани момчиња. Алек студира музичка продукција на „BIMM“ во Берлин, а Павел е матурант во кумановската Гимназија.
На нивната нова песна „Past Swirls and Pink Colored Worlds“ имаат свирено повеќе музичари како Јан Стефановски од „Влатко Стефановски Трио“, Стефан Стојчев од „Ки“ и Филип Михајловски од бендот „Khara“.
Песната е продуцирана од Милош Краљевски во „MM Production“ во Куманово.
Павел и Алек заедно свират уште од 2013 година, а на последниот „Art Attack“ фестивал кој се одржа неодамна во Куманово ги освоија и симпатиите на публиката.
Во продолжение уживајте во нивниот прв сингл.