Фатима Риска (9) од Шри Ланка починала минатата недела од повредите што и ги нанела жена што се обидувала да го „избрка ѓаволот од неа“. Полицијата ја уапсила осомничената, како и мајката на девојчето, која наводно го гледала егзорцизмот.
Се верува дека мајката го однела девојчето кај егзорцистот, бидејќи верувала дека нејзиното дете го опседнале демони.
Според светските медиуми, неименуваната жена најпрво истурила масло врз детето, а потоа започнала да ја удира со стап тврдејќи дека тоа е единствениот начин да се „избрка демонот“.
Родителите девојчето го однеле на гатачка. Сè се случи минатиот викенд во селото Мигахавате, кое се наоѓа во близина на главниот град. Соседите ги слушнале врисоците на девојчето и се обиделе да ја спасат, за жал премногу доцна – изјави портпаролот на локалната полиција.
Девојчето изгубило свест од тепањето, а по пристигнувањето во болницата, лекарите не можеле да сторат ништо. Девојчето починало набргу потоа. Набргу по пристигнувањето во болницата, девојчето било прогласено за мртво – објави полицијата. Мајката и гатачката се во притвор, а тие треба да се појават пред судијата на 12 март.
Осомничената и е позната на полицијата веќе подолго време, бидејќи претходно правела вакви ритуали. Сега се проверува дали некој друг е убиен – објави полицијата.
За жал, многумина од Шри Ланка сè уште веруваат во магија и честопати бараат помош од надрилекарите и гатачите за да ги решат нивните проблеми.