На 7 април годинава, повторно во МКЦ, ќе се оддржи третото издание на фестивалот на електронска музика, Red Sound District. Одличниот концепт кој претставува возбудлива средба помеѓу 2 града, Амстердам и Скопје, до сега во два наврата ја разигруваше македонската публика со одлична селекција на музика, презентирана од страна на домашни и холандски артисти.
До сега, фестивалот донесе еминентни имиња како Francesco Robustelli, Florinsz Janvier, Arthur Robert, David Hulsken, Goran Kan, Thom East … Годинава, на гости од Холандија доаѓаат The Mountain, Olaf Stuut и Camiel Daamen, додека резидентите остануваат исти: ME.N.U, Видиновски, Мирко Попов и Никола Симоновски.
Забавата повторно ќе биде поделена на два стејџа, додека влезниците ќе се продаваат по симболична цена од 150 денари до полноќ, и 200 денари по полноќ.
