Роберт Кенеди Џуниор поднесе изборни документи за да се кандидира за претседател на САД во 2024 година како претставник на демократите.
69-годишникот е син на убиениот сенатор Роберт Кенеди и внук на претседателот Џон Ф.
Официјален претставник на кампањата на Кенеди, адвокатот за заштита на животната средина Џон Саливан, го потврди поднесокот, објави Би-Би-Си.
Кенеди е отворен анти-ваксер. Инстаграм ја отстрани неговата сметка во 2021 година поради „континуирано споделување лажни тврдења“, соопшти компанијата.
И Демократската и Републиканската партија одржуваат свои „натпревари“, наречени прелиминарни избори, за да го изберат својот претседателски кандидат.
Кенеди ќе биде аутсајдер во трката за номинација на демократите.
Американскиот претседател Џо Бајден посочи дека ќе се кандидира за реизбор, иако сѐ уште официјално не се изјаснил за својата кандидатура.
Кенеди ја објави и книгата „Вистинскиот Ентони Фаучи“, во која го обвини поранешниот шеф на американскиот Национален институт за заразни болести за „историски удар против западната демократија“.
Тој, исто така, се повика на нацистичка Германија за време на говорот против вакцините во Вашингтон минатата година.
Кенеди има нарушување на гласот, спазматична дисфонија. Оженет е со актерката Шерил Хајнс и живее во Лос Анџелес, Калифорнија.