Италијанските спасувачки тимови денеска пронајдоа уште две жртви на Алпите, па се стравува дека бројот на загинати во уривањето на глечерот достигна 12, а како причина се наведува порастот на температурата.
Досега е потврдено дека загинале најмалку девет лица во лавина во неделата на Мармолада, која е на надморска височина од околу 3.300 метри, највисокиот врв на Доломитите, синџир во источните италијански Алпи што се протега преку регионите Тренто и Венето, пренесува Ројтерс.
Маурицио Фугати, претседателот на регионот Тренто, рече дека потрагата со помош на дронови ќе продолжи, бидејќи уште три лица (сите Италијанци) се водат како исчезнати.
Се наведува дека е ангажиран и полициски тим специјализиран за ДНК анализа за да помогне во процесот на идентификација.
Ројтерс истакнува дека голем дел од Италија е во раниот летен топлотен бран, а научниците велат дека климатските промени ги прават претходно стабилните глечери понепредвидливи.