Едно дете загина, а пет лица се спасени откако пристигна дојава дека е урнат мост на границата меѓу регионите Киев и Житомир.
Спасувачките екипи од автомобилот извлекле безживотно тело на осумгодишно момче, додека уште едно дете, две жени и двајца мажи итно се пренесени во болница, соопшти Министерството за внатрешни работи на Украина.
Мостот се наоѓа на делот од патот Киев-Ковељ-Јагодин, а засега не се знае како се урнал мостот.
МВР наведува дека од мостот паднале пет автомобили, од кои еден целосно бил уништен во пожарот.