Унгарија и другите земји од ЕУ кои неодамна го забранија увозот на жито од Украина сакаат тој да трае до крајот на 2023 година.
„Би сакале Европската комисија да ги прифати мерките што ги усвоивме, бидејќи сакаме да ги задржиме до крајот на оваа година и на тој начин да им дозволиме на нашите земјоделци да берат посеви и да ја складираат жетвата“, напиша на Фејсбук унгарскиот министер за земјоделство Иштван Наѓ.
Полска беше првата земја од ЕУ што го забрани увозот на украинско жито и земјоделски производи за да ги заштити своите земјоделци, а минатата недела Унгарија го следеше истиот, на која и се приклучија Словачка и Бугарија.
Споменатите земји станаа транзитни патишта за украинското жито кое не се извезувало преку украинските пристаништа во Црното Море, пренесува Танјуг.
Поради тесни грла, милиони тони украински житарки останаа во земјите кои граничат со Украина, како Унгарија и Полска, потсетува британската агенција.