Украина тврди дека уништила 41 од 48 руски дронови во текот на ноќта

Украина објави дека Русија извршила нов ноќен напад на нејзина територија со 48 беспилотни летала Шахед од иранско производство.

„Лансирани се вкупно 48 беспилотни летала Шахед 136/131“, од кои 41 се уништени од украинската противвоздушна одбрана, соопшти украинското воздухопловство преку Телеграм.

Русија речиси секоја вечер спроведува напади со беспилотни летала и ракети врз Украина.

Киев го обвинува Кремљ дека се обидува да го тероризира цивилното население и да ја уништи енергетската инфраструктура со цел да го втурне населението во темнина и студ, како што тоа го направи минатата зима.