Украина денеска објави дека нејзините сили ослободиле неколку градови во близина на Харков, вториот по големина град во Украина.
Бранителите на Азовстал објавија фотографии од борците (ВИДЕО)
Харков моментално е под силен напад, а во регионот се водат тешки битки, изјави гувернерот на регионот Харков Олег Синегубов.
Харков беше цел на руски напади од почетокот на инвазијата кон крајот на февруари.
„Не брзајте во новоослободените области“
Синегубов предупреди дека руските сили оставиле „смртоносни замки“ во регионот за време на повлекувањето и ги повика жителите да останат во засолништа, односно да не брзаат кон новоослободените области.
„Непријателот е подмолен и прави се за да убие и рани што е можно повеќе украински цивили“, објави Синегубов на Твитер.
Украинците со дронови „Бајрактар“ успешно ја нападнале руската воздушна одбрана
„Денес непријателот беше оттурнат уште подалеку од Харков, а окупаторите сега имаат уште помалку можности да пукаат во центарот на регионот“, додаде гувернерот.