Во силна експлозија што се случи на 28 мај во рускиот град Ставропол, загина Заур Гурциев, заменик-градоначалник и учесник во руската воена операција против Украина.
Гувернерот на Ставропол, Владимир Владимиров, ја потврди смртта на Гурциев, нарекувајќи го „инцидент што се случил во текот на ноќта на улицата Чехов“, но не даде дополнителни детали за самиот инцидент.
Истражниот комитет на Русија објави дека на местото на експлозијата се пронајдени тела на двајца мажи со повеќекратни повреди.
Голем број руски канали на Телеграм го идентификуваа Гурциев како една од жртвите и објавија, како што тврдат, видео од самата експлозија, објавува „Киев Индепендент“.
Russian media report that Zaur Gurtsiyev, who was responsible for strikes on Mariupol, has been blown up in Russian Stavropol.
Reportedly, a person carrying an explosive device came up to him near a residential building. Both of them died.
Gurtsiyev led the air strikes on… pic.twitter.com/SpWP9r7Liq
— Anton Gerashchenko (@Gerashchenko_en) May 29, 2025
Заур Гурциев беше дел од програмата на Путин „Време на херои“, а според официјалната веб-страница на проектот, во 2022 година командувал со руските воздушни напади за време на опсадата и заземањето на украинскиот град Мариупол.