Портпаролот на Хамас, Хасан Јусеф, беше уапсен за време на рациите што ги спроведе Израел низ Западниот Брег, соопштија денеска израелските власти.
Јусеф беше уапсен во четвртокот „под сомневање дека дејствувал во име на Хамас“, изјави за Си-Ен-Ен израелската безбедносна агенција Шин Бет.
Јусеф, наводно, е водечка палестинска политичка фигура која служи како официјален портпарол на Хамас на Западниот Брег и е член на Палестинскиот законодавен совет.
Си-Ен-Ен претходно објави дека се верува дека Јусеф е меѓу повеќе од 60 членови на Хамас кои Израел ги приведе во рациите низ Западниот Брег.
Јусеф неколку пати бил апсен од израелските сили и поминал 24 години во израелски затвори под различни обвиненија за поттикнување, влегување во Ерусалим без дозвола и членување во Хамас.
Јусеф редовно се појавува во меѓународните медиуми, а оваа недела за канадски The Globe and Mail изјави дека смета дека Хамас ќе биде подготвен да ги ослободи заложниците што ги држеше доколку Израел се согласи на 24-часовен прекин на огнот за да дозволи помошта да стигне до Газа.