Компанијата Твитер се откажа од ставање етикети „поврзани со државата“ и „финансирани од државата“ на медиумските профили на таа социјална мрежа, објави агенцијата АФП на 21 април.
Агенцијата ја наведе сопствената анализа на „многу страници од висок профил“ на Твитер.
Според АФП, Твитер сметките на главните медиумски куќи на западните земји, Русија, Кина и други земји кои претходно имаа ваков тип ознаки, веќе ги немаат.
Во август 2020 година, компанијата објави дека ќе започне со означување на сметките поврзани со владите, со цел да го привлече вниманието на корисниците на „транспарентноста на страниците“.
Како што објаснија во тогашното соопштение, означувањето на сметките поврзани со државата „обезбедува дополнителен контекст во врска со сметките контролирани од одредени владини функционери, медиуми поврзани со државата и поединци кои тесно соработуваат со тие субјекти“.
Медиумите поврзани со државата се дефинираат како „медиуми во кои државата врши контрола врз уредувачката содржина преку финансиски средства, директен или индиректен политички притисок и/или контрола врз производството и дистрибуцијата (на содржината)“.