Водителката на една од најважните руски ТВ станици поднесе оставка и ја напушти земјата.
„Прво ја напуштив Русија затоа што се плашев дека нема само да ме пуштат, а потоа дадов отказ“, изјави Лилија Гилдеева за блогерот Илја Варламов.
Гилди беше водителка на емисијата Сегодња (Денес), водечката информативна програма во вечерните часови на НТВ, третата најгледана руска ТВ станица во сопственост на гасната компанија Газпром и која силно ги застапува ставовите на Кремљ, пишува Би-Би-Си.
Таа ја доби благодарноста од Путин
Во 2021 година, водителката беше вклучена во официјалната листа на новинари на претседателот Путин кои добија писма со благодарност за „достигнувања во развојот на масовните медиуми“.
Во 2008 година, Путин ѝ се заблагодари за „обезбедувањето информации и активна социјална улога во развојот на граѓанското општество во Руската Федерација“.
Гилди ја напушти Русија по синоќешниот антивоен протест на една новинарка за време на една телевизиска програма на Канал 1.
Зеленски: Путин ќе ги таргетира другите европски земји, сите сте цел