Во Турција, по земјотресот со јачина од 6,1 степени според Рихтеровата скала што го погоди регионот Баликешир синоќа, се случија повеќе од 100 последователни потреси, од кои најсилниот беше 4,4.
Во земјотресот беа повредени 18 лица, а турскиот министер за внатрешни работи Али Јерликаја објави дека се примени 504 пријави, вклучувајќи 25 за структурни оштетувања.
Според соопштението на Канцеларијата на гувернерот на Баликешир, училиштата денес нема да работат, а објавено е дека бремените жени и лицата со попреченост кои работат во јавни институции и организации се ставени на административен одмор, објави Хаберлер.
Најавено е дека образовните институции ќе ја прекинат работата еден ден во областите Акхисар, Сома, Демирџи, Кирикагач и Гердес, објавува N1.
Земјотрес со јачина од 6,1 степени според Рихтеровата скала го погоди округот Синдирги во Баликешир во понеделник во 22:48 часот.
Тресењето на земјата беше почувствувано и во Истанбул и околните провинции.
Земјотрес со јачина од 6,1 степен според Рихтеровата скала се случи во истиот регион на 10 август.