Тропската бура Хилари се појави во близина на јужниот брег на Мексико во Пацификот, но се очекува да се зајакне и да се придвижи на север кон полуостровот Долна Калифорнија подоцна оваа недела.
Американскиот национален центар за урагани соопшти дека Хилари се наоѓа на околу 755 километри југо-југоисточно од пристанишниот град Манзанила, далеку од копното, со ветрови од 65 километри на час, пренесува Асошиетед прес.
Невремето се движело во правец запад-северозапад со брзина од 22 км/ч.
Сепак, се очекува да сврти кон север во текот на неделата и да зајакне во ураган пред да падне на северниот дел на полуостровот Баја, во близина на границата со САД, како тропска бура.
Центарот за урагани соопшти дека „Хилари има потенцијал да влијае на полуостровот Долна Калифорнија и делови од југозападниот дел на САД овој викенд“.