Три лица се повредени, од кои едно потешко, во сообраќајна незгода што петок се случила кај месноста Свети Мина во Куманово.
– На 24.01.2025 околу 19.50 часот во СВР Куманово било пријавено дека на крстосница од регионален пат Куманово – Свети Николе и бул.„ Трета МУБ“ во Куманово се случила сообраќајна несреќа помеѓу патничко возило „рено“ со кумановски регистарски ознаки, управувано од М.Ѓ.(41) од Куманово и патничко возило „фолксваген поло“ со скопски регистарски ознаки, управувано од С.С.(62) од Скопје, информираат од Министерството за внатрешни работи.
Во несреќата, како што појаснуваат од полицијата, со тешки телесни повреди се здобила В.С.(52) од Скопје, сопатничка во возилото „поло“, а со телесни повреди се здобиле двајцата возачи, констатирани во болницата во Куманово.
Увид на местото на несреќата извршила екипа од СВР Куманово.
Никола Ивановски