Градот Лони во индиската држава Утар Прадеш е прогласен за најзагаден град во светот во 2025 година, според извештајот на швајцарската фирма за следење на квалитетот на воздухот IQAir.
Според извештајот, Лони имал просечна вредност на PM2.5 честички од 112,5 микрограми на кубен метар воздух.
Светската здравствена организација (СЗО) препорачува безбедните вредности на PM2.5 да не надминуваат пет микрограми, пишува DW.
Три индиски градови беа меѓу четирите најзагадени – Лони, Бирнихат и главниот град Њу Делхи. Бирнихат беше прогласен за најзагаден град во светот минатата година.
Дополнително, сите 25 најзагадени градови во светот се наоѓаат во Индија, Пакистан и Кина.
Пакистан беше рангиран како најзагадена земја во 2025 година, со вредности на PM2.5 до 13 пати повисоки од упатствата на СЗО, додека Индија се рангираше на шестото место.
Само 13 земји и територии ги исполнија годишните упатства на СЗО за PM2.5, се вели во извештајот.