Американскиот претседател Доналд Трамп го критикуваше НАТО, по средбата со генералниот секретар на алијансата, Марк Руте, наведувајќи дека НАТО „не беше тука“ кога на САД им требаше, во врска со војната во Иран.
„И тој нема да биде тука ако повторно ни треба“, рече Трамп во објава на неговата платформа Truth Social.
Во пораката, Трамп го спомена и Гренланд, кој е автономна данска територија, за која тој постојано повторува дека сака да ја анектира.
„Да се потсетиме на Гренланд, тоа големо, лошо управувано парче мраз“, рече Трамп.
Американскиот претседател го објави ова по средбата со Руте, кој рече дека имал „отворен и искрен“ разговор со американскиот претседател во среда.
Портпарол на НАТО изјави дека по средбата со Трамп, Руте ја нагласил важноста сојузниците да продолжат да се ангажираат со цел да се создаде посилен и пофер сојуз, пренесува Sky News.