Доналд Трамп Џуниор, најстариот син на Доналд Трамп, ги обвини калифорниските демократи дека не можат ефикасно да се справат со пожарите што ја пустошат Калифорнија, бидејќи тие дале голем дел од своите средства на Украина.
„О, секако, пожарникарската служба на Лос Анџелес донираше куп од своите залихи на Украина“, напиша Трамп Џуниор на X во средата.
Противпожарната служба на округот Лос Анџелес испрати авион полн со вишок резерви како чизми, црева, млазници, панцири и лекови во Украина во 2022 година.
Oh look of course The LA fire department donated a bunch of their supplies to Ukraine https://t.co/1XVA15f6oI
— Donald Trump Jr. (@DonaldJTrumpJr) January 8, 2025
Оваа година, началникот на пожарникарите во округот Лос Анџелес, Ентони Мароне, изјави дека има недоволно персонал и дека мора да побара помош од околните окрузи.
„Има 9.000 пожарникари во округот Лос Анџелес, во рамките на окружниот противпожарен оддел и 29 други противпожарни агенции, што сè уште не е доволно за да се локализираат сите пожари во регионот“, изјави Марон за Лос Анџелес Тајмс во средата.
Фокс њуз објави дека пожарникарите не можат да ги стават под контрола пожарите кои беснеат од почетокот на оваа недела поради силните ветрови, екстремно сувото време, недостигот на видливост и застарените системи за водоснабдување во регионот.
Новоизбраниот претседател на Соединетите Американски Држави, Доналд Трамп, во средата го нападна гувернерот на Калифорнија, Гевин Њусом, нарекувајќи го „Њускум“, а пожарите „практично апокалиптични“.
Трамп, исто така, ги обвини државните правила кои ги штитат загрозените видови и ја ограничуваат количината на вода што се испраќа јужно од Северна Калифорнија.
Сето ова е дел од долгогодишната жестока расправија што Трамп ја водеше со врвните демократи во Калифорнија – сина држава која постојано е изложена на ризик од смртоносни шумски пожари – за процесите на управување со шумите и плановите за сузбивање пожари.
Here is President Trump three months ago on the famous Joe Rogan episode talking about how California refuses to build water reservoirs and manage their forests to prevent wildfires. pic.twitter.com/o5gUSkXexh
— Greg Price (@greg_price11) January 8, 2025
Речиси во исто време, Украина се бореше со пожарите и евакуираше десетици жртви во Запорожје, откако Русија го нападна центарот на градот, при што во средата уби 13, а рани повеќе од 100 луѓе.
Таборот на Трамп го критикуваше украинскиот претседател Володимир Зеленски како „трговец“, заканувајќи се дека ќе ја запре американската воена помош за Киев.