Едно момче почина од топлотен удар во Италија за време на топлотниот бран што ја зафати Европа, додека шумските пожари се заканија на место на УНЕСКО во Шпанија, а градовите низ Франција забележаа рекордно високи температури.
Црвено предупредување е издадено во бројни градови во Франција, Италија и Југоисточна Европа поради екстремно високите температури.
Пожарите, разгорени од силни ветрови, принудија евакуација на илјадници луѓе низ целиот континент и ги загрозија популарните туристички дестинации во Турција и Шпанија.
Четиригодишно момче од Романија почина во Италија откако беше пронајдено во несвест во автомобил во Сардинија.
Италијанското Министерство за здравство издаде екстремно температурно предупредување за седум големи градови, вклучувајќи ги Болоња и Фиренца.
Денес, црвено предупредување е на сила во 11 италијански градови, додека утре се очекува тој број да се зголеми на 16.
Црвени предупредувања се издадени и за јужна Франција, како и за бреговите на Јадранското и Јонското Море.
– Топлотниот бран што моментално ги погодува Франција, Шпанија и балканските земји не е изненадување. Тоа беше предизвикано од постојана топлотна купола над Европа. Топлотните бранови не се како бури – тие се прикрадуваат тивко, но можат да бидат исто толку смртоносни, рече Акшај Деорас, метеоролог на британскиот Универзитет во Рединг.
🧑🚒 #Wildfires continue to rage across #Europe, with firefighters in #Spain, #Italy and #Scotland working hard to control the blazes.
In #France, the worst wildfire experienced in decades in the department of #Aude was finally brought under control on Sunday.
📹 @bsquinn pic.twitter.com/n80HKGHbnF
— FRANCE 24 English (@France24_en) August 11, 2025
Пожарот го оштети местото на УНЕСКО
Пожарот што избувна во неделата оштети древен римски рудник во Лас Медулас во северозападна Шпанија – место на светското наследство на УНЕСКО. Пожарот предизвика евакуација на стотици жители.
– Високите температури и ветровите до 40 км/ч создаваат огромни тешкотии за пожарникарите, рече Хуан Карлос Суарез-Кинонес, регионален министер за заштита на животната средина на Кастилја и Леон. Тој истакна дека жителите нема да можат да се вратат додека не се обезбеди целосна безбедност.
Минатата недела Шпанија беше погодена од топлотен бран, со температури близу 40°C.
Во Тарифа, туристички град на југ, повеќе од 2.000 луѓе беа евакуирани од хотелите и плажите поради повторното разгорување на пожарот, а повеќе од 100 пожарникари се бореа со пожарот.
Пожари и евакуации низ регионот
Во Португалија, пожарникарите се бореа со три големи пожари во централниот и северниот дел на земјата.
Мароко испрати два авиони да помогнат откако португалските авиони се расипаа.
Во Италија, околу 190 пожарникари, со помош на армијата, се бореа со пожарот на Везув, поради што националниот парк беше затворен.
Во југоисточна Европа, луѓето се евакуирани од десетици домови поради пожари во Албанија, Црна Гора и Хрватска, каде што се на сила и црвени предупредувања.
Повеќето од речиси 40-те пожари што избувнаа во последните 24 часа се изгаснати во Албанија, но повеќе од десет се уште се активни.
Wildfires are spreading across Albania, destroying nature and putting lives at risk.
But #EUSolidarity remains strong.
Alongside Albanian firefighters, we are working tirelessly to save lives and protect communities.
Here, Slovak🇸🇰and Czech🇨🇿 firefighters are in action near… pic.twitter.com/LvA0dpkeU4
— EU in Albania (@EUinAlbania) August 11, 2025
Од почетокот на јули, речиси 34.000 хектари изгореа во земјата, а повеќе од 20 лица се уапсени под сомнение за намерно предизвикување на пожарите.
Во близина на главниот град на Црна Гора, пожарникарите успеаја да спасат десетици куќи и покрај тешкиот терен и температурите што достигнаа 40°C.
Во Хрватска, пожарникарите ги заштитија куќите од пожар во близина на Сплит.
🇭🇷🔥Šumski požar nadomak Splita izmakao kontroli
Šumski požar koji je izbio u blizini hrvatskog primorskog grada Splita proglašen je nekontroliranim zbog nepovoljnih vremenskih uslova.
Požar se proširio na područje od 3 kilometra između Krila, Jesenice i Dugog Rata u blizini… pic.twitter.com/lzYxr9MK8j
— Anadolu BHSC (@aa_balkans) August 11, 2025
Во северозападната турска покраина Чанаккале, повеќе од 2.000 луѓе беа евакуирани, додека 77 лица побараа медицинска помош поради вдишување чад.
Пожарите го зафатија туристичкиот град Гузелјали, а беа распоредени над 760 пожарникари, 10 авиони, 9 хеликоптери и повеќе од 200 возила.
Рекорди во Франција
Во јужна Франција, рекордите за температура беа срушени на најмалку четири метеоролошки станици.
Рекордни 41,6°C беа забележани во Бордо, а нови рекорди беа забележани и во Бержерак, Коњак и Сен Жирон.
Топлинскиот бран, втор ова лето во Франција, започна во петок и се очекува да трае до 19 или 20 август.
Вчера, 12 француски департмани беа под црвена тревога, а денес се очекува да се прошири на уште четири департмани.
Historic heatwave unfolding in France.
Bordeaux just observed its hottest day on record with a provisional 41.6°C (107°F) — data since 1920. Red level extreme heat warnings are in force for the south of the country.
Sadly, this heatwave is far from over… pic.twitter.com/e5w7wyQefY
— Nahel Belgherze (@WxNB_) August 11, 2025