Тинејџер почина поради предизвик на ТикТок: Проголтал 14 таблети, а пријателите го снимиле

On:
Сподели со своите пријатели

Тинејџер од Охајо почина по предозирање со Бенадрил за предизвикот на ТикТок.

Телото на Џејкоб Стивенс почнало да се грчи откако 13-годишното момче проголтало големо количество лек за алергија додека неговите пријатели снимале за да видат што ќе се случи.

Трендот „Бенадрил предизвик“ покажува дека тинејџерите голтаат до 14 таблети за да предизвикаат халуцинации, а потоа објавуваат видеа од нивното искуство на социјалните мрежи.

 

 

ПРОЧИТАЈТЕ И:  Најмалку 13 лица повредени во две пукотници во Минеаполис

Џејкоб итно бил префрлен во болница бидејќи неговото тело почнало да се исклучува, а неговото семејство решило да го симнат од апарати за одржување шест дена подоцна откако му престанала функцијата на мозокот.

Таткото на тинејџерот, Џастин, изјави за ABC 6 дека сега е посветен да ги предупредува родителите и тинејџерите за опасностите од социјалните мрежи и објави слика од Џејкоб на апарати за одржување во живот во болницата за да ја прошири свеста.

„Тоа беше премногу за неговото тело“, изјави Џастин.

Тинејџерот бил ставен на вентилатор и поминал шест дена во болница пред лекарите да утврдат дека неговиот мозок повеќе не реагира.

ПРОЧИТАЈТЕ И:  Глобалното затоплување е одговорно за два од три смртни случаи од топлина летово во Европа

„По скенирањето на мозокот немаше ништо. Тие рекоа дека можеме да го држиме на машина, може да лежи – но никогаш нема да ги отвори очите, никогаш нема да дише, да се смее, да оди или да зборува“, рече таткото.

 

 

Тој рече дека тоа било „најлошиот ден во неговиот живот“ кога докторот му кажал за состојбата на неговиот син.

Џастин и неговото семејство се посветени да се погрижат таква трагедија никогаш да не се повтори.

ПРОЧИТАЈТЕ И:  Иран погуби маж обвинет за шпионажа во корист на Израел

„Ќе направам се што можам за да се погрижам уште едно дете да не помине низ тоа“, вели бабата на Џејкоб, Дијана.