Мислевте дека теоријата за рамна земја е најглупавата работа што сте ја слушнале во 2021? Или можеби нешто за Канон или дали знаевте дека Зумерсите имаат теорија на заговор дека Хелен Келер не е вистинска?
За жал, ви пренесуваме нешто уште полудо. Постои вистинска теорија на заговор дека буквалниот континент Австралија не постои.
Шеста по големина земја на планетата. Сите карти се погрешни. Вклучувајќи луѓе кои летаат со авиони и астронаути кои ја гледаат Австралија од вселената. Копнени маси, луѓе, нема ништо.
Зошто луѓето би го измислиле постоењето на 6-та по големина копнена маса на планетата? Да се прикрие геноцидот, се разбира. Креаторот на оваа теорија на заговор верува дека Австралија е измислена за да се прикрие Велика Британија, која наводно убила 162.000 нивни осудени криминалци.
Базфид објави дека оваа теорија се здобила со популарност кога Швеѓанка по име Шели Флорида станала вирална на Фејсбук во објава во која објаснува точно колку е „измислена“ Австралија:
„Австралија не постои… Сите работи што ги нарекувате „докази“ се всушност добро изработени лаги и документи на водечките светски влади. Ваши австралиски пријатели? Сите тие се актери и личности генерирани од компјутер, дел од заговор да го измами светот“.
Флорида пишува дека Австралија е всушност измислена од Велика Британија за да може да убие десетици илјади осуденици, наместо да ги испраќа во земја од другата страна на светот.
Флорида, која живее во Стокхолм, исто така, пишува дека скоро секоја личност на секое ниво е вклучена во масовната шема, вклучително и пилотите на авиокомпаниите, кои всушност возеле туристи само на острови или „во некои случаи, делови на Јужна Америка“.
„Ќе биде само краток пост, но јас живеев со тоа и разгледав некои факти и ете, така заврши. Од тогаш Фејсбук ја избриша објавата“, вели таа.
Повеќето луѓе прифаќаат дека во 1770 година, Велика Британија „претендирала“ кон Австралија и почнала да ја користи како колонија за осудени криминалци, и покрај фактот дека Австралија е автохтона веќе 65.000 години.
Се чини дека Шели Флорида го шири заговорот за сопствена забава (и веројатно за да добие клиенти за нејзината секундарна деловна активност), а не како искрен верник. Сепак, луѓето што ги читаат нејзините објави ги сфаќаат сериозно.
Исто како и многу други дезинформации на интернет, поради некоја причина има група луѓе кои ќе бранат нешто што ќе прочитаат на статусот на Фејсбук до смрт. Се развил посебен заговор кога некој друг тврдеше дека „открил“ дека и Финска не постои!
Извештајот на Базфид продолжува да потврдува дека Австралија е всушност реална: „Австралија е, се разбира, вистинска. Јас го знам тоа затоа што моментално сум во Австралија, во канцеларија со околу 30 други луѓе кои исто така се во Австралија. Би можел да ви го фотографирам мостот на пристаништето во Сиднеј, но не сакам да ја напуштам канцеларијата“.