Актерите од Театар Куманово вчеравечер на малата сцена на Националната установа Центар за култура „ Трајко Прокопиев“ премиерно ја изведоа претставата „Соѕвездија“.
Претставата е раотена под режија на Нела Витошевиќ, а според текст на Ник Пејн.
Во претставата играат 6 млади реномирани актерски лица, познати на македонска и кумановската актерска сцена: Александра Пешевска, Мирослав Петковиќ, Нина Максимова, Марко Трајковиќ, Владанка Крстевски и Давид Илиќ.
Асистент на режија е Драгана Гунин, сценографијата е на Васил Христов, музиката е на Огнен Анастасовски, костимите се на Розе Трајческа.
Претставата се игра на мала сцена, па поради тоа, но и ковид протоколите местата во публиката се ограничени. Од Театар Куманово информираат дека сите оние кои немаа можност да ја погледнат премиерата, тоа ќе може да го сторат во текот на оваа недела за кога ќе биде закажана и првата реприза.
Никола Ивановски