Приказната „Црвенкапа“ на Театар Куманово денеска беше изведена пред учениците од Основното училиште со ресурсен центар „Иднина“ од Скопје.
– На покана од Основното училиште со ресурсен центар „ИДНИНА“ од Скопје, училиште за воспитание и образование на учениците со попречености, а во организација на Здружението “Образование за сите” Скопје, како дел од волонтерските активности на Македонско – американската алумни асоцијација (МААА) настапивме со нашата претставата „ЦРВЕНКАПА“, изјави Сашо Тодоровски, директор на НУЦК „Трајко Прокопиев“.
Во претставата играат актерите: Александра Михајловска Величковски, Никица Јанковски, Анастасија Величковиќ, Матеј Стојковски и Владанка Крстевски.
– Под мотото направи со мене, не за мене, преку оваа соработка сакаме да покажеме дека инклузијата е возможна и дека сите деца се еднакви во зависност од нивните потреби кои ги имаат, појаснува Тодоровски.
Учениците одлично реагираат на претставата и со голем аплауз ги наградија актерите.
– Очакуваме ваквите соработки да продолжат и понатаму. На заминување ги поканивме учениците да дојдат во Центар за култура и Театар Куманово и да одгледат една театарска претстава, изјавија од Театар Куманово.
Никола Ивановски