Со претставата „На траг“, Књажевско – српски театар вечерва ќе настапи на Меѓународниот театарски фестивал „Денови на комедија“.
Во претставата играат Милош Крстовиќ, Аврам Цветковиќ, Чедомир Штајн, Светлана Миленковиќ, Биљана Талиќ и Предраг Павловиќ.
Автор на текстот е Никола Милојевиќ, додека режисер е Александар Лукач.
Зад театарската завеса, во подготовките за изведбата на Шекспировиот Хамлет, се открива свет полн со недоразбирања, фрустрации и внатрешни тензии меѓу актерите и уметничкиот тим.
Претставата нè внесува „зад сцената“, прикажувајќи го она што публиката речиси никогаш не го гледа — луѓето со нивните дилеми, стравови и однос кон уметноста и сопствените идеали.
Никола Ивановски