Американскиот новинар Такер Карлсон, кој се најде во центарот на вниманието кога го интервјуираше рускиот претседател Владимир Путин во Москва во февруари, сега најави интервју со украинскиот претседател Володимир Зеленски.
„Изгледа дека добивме интервју со Зеленски. Се обидуваме две години, а особено интензивно по интервјуто со Путин во февруари. Поентата е да им ги дадеме на Американците многу потребните информации за конфликтот што целосно ја преобликува позицијата на нивната земја во светот. Се надеваме дека (интервјуто) доаѓа наскоро“, напиша Карлсон на X.
Карлсон е првиот западен новинар кој интервјуирал руски претседател од почетокот на руската воена операција во Украина во февруари 2022 година.
За време на двочасовното интервју објавено ноќта на 9 февруари, кое имаше повеќе од 170 милиони прегледи на социјалната мрежа Х и повеќе од 10 милиони на Јутуб, Путин меѓу другото рече дека Русија нема да го нападне НАТО, особено Полска, Латвија и другите балтички земји.