Јапонската премиерка Санае Такаичи во четврток изјави дека земјата ќе почне да ослободува нафта од државните резерви за да ги ублажи ефектите од зголемувањето на цените на суровата нафта предизвикани од конфликтот меѓу САД, Израел и Иран.
Такаичи рече дека земјите од Блискиот Исток, чии резерви се складираат во Јапонија, исто така ќе бидат вклучени до крајот на месецот, бидејќи владата се стреми да обезбеди стабилно снабдување со енергија и да го минимизира влијанието врз економијата, објави Кјодо.
Јапонија се потпира на Блискиот Исток за повеќе од 90 проценти од увозот на нафта, од кој поголемиот дел се транспортира преку Ормутскиот теснец.
Владата, исто така, ќе користи пет милијарди долари од буџетот за субвенции за гориво, со цел да ја намали просечната цена на бензинот од рекордни 1,20 долари за литар на околу 1,06 долари, додека ги испитува долгорочните последици за домашното производство на етилен и диверзификацијата на добавувачите на сурова нафта, пренесува Танјуг.