Тајланд и Камбоџа разменија оган. Стартува ли нова војна?

On:
Сподели со своите пријатели

Рано утрово имаше вооружен конфликт меѓу Тајланд и Камбоџа, објавија армиите на двете земји.

Loading...

Двете тврдат дека првите истрели биле испукани од другата страна.

Тајландската војска соопшти дека вооружените сили од соседна Камбоџа отвориле оган во граничната област во близина на храмот Та Моан Том, на околу 360 километри од главниот град Бангкок.

 

 

Тие додаваат дека беспилотно летало прелетало над територијата пред да пристигнат вооружени војници.

Тие ја обвинија Камбоџа дека неодамна поставила мини на граничниот премин, додека Камбоџа одговара дека станува збор за неосновани обвинувања.

Loading...

Портпаролот на тајландската војска изјави дека двајца тајландски војници биле ранети во размената на оган и дека Камбоџа користела ракетни фрлачи.

Одговорот доаѓа од другата страна. Имено, портпаролот на Министерството за одбрана на Камбоџа одговара дека тајландските сили го извршиле упадот и дека нивните сили одговориле во самоодбрана.

Тајландскиот премиер Фумтам Вечајачаи рече дека ситуацијата е многу деликатна.

„Мора да бидеме внимателни. Ќе го почитуваме меѓународното право“, рече тој.

 

 

Повеќе од еден век, Тајланд и Камбоџа го оспоруваат суверенитетот меѓусебно на повеќе точки по должината на копнената граница долга 817 километри, што доведе до седумдневен вооружен конфликт во 2011 година.

Loading...

Гувернерот на тајландската покраина Сурин, Чамнан Чуента, преку објава на Фејсбук ги повика жителите да се засолнат во своите домови и да се подготват за евакуација.

Министерството за образование на Тајланд ги затвори сите училишта во покраината Сурин, која се наоѓа во близина на спорната граница.

 

 

Тајланд тврди дека погодил воени цели во Камбоџа

Тајландската армија објави на социјалните мрежи и објави – „Ф-16 отвори оган!“.

Како што објавува Би-Би-Си, најмалку еден цивил е убиен во тајландската покраина Сурин.

Министерството за национална одбрана на Камбоџа издаде соопштение во кое ја обвинува Тајланд за распоредување премногу војници, користење тешко оружје и извршување воздушни напади во обид насилно да ја окупира територијата на Камбоџа, пишува Би-Би-Си.

Loading...