Сојот Омикрон на Ковид-19 веројатно ќе се прошири на меѓународно ниво и претставува „многу висок“ глобален ризик, а повисокиот раст на бројот на заразени може да има „тешки последици“ во некои области, соопшти во понеделникот Светската здравствена организација (СЗО). .
Агенцијата на ОН ги советуваше 194 членки да ја забрзаат вакцинацијата на групите со висок приоритет и да „обезбедат планови за ублажување“ за одржување на потребните здравствени услуги.
„Омикрон има невиден број на мутации на шилестиот протеин, од кои некои се загрижувачки поради нивното потенцијално влијание врз текот на пандемијата“, соопшти СЗО.
Според тоа, СЗО го проценува „вкупниот глобален ризик“ поради новата варијанта на омикрон како „многу висок“.
Потребни се дополнителни истражувања за да се разбере способноста на омикронот да го избегне имунитетот што поединецот го стекнал преку вакцинација или закрепнување, според СЗО.
Зошто СЗО прескокна две букви од грчката азбука за името на новиот сој?
Агенцијата на ОН додава дека се очекуваат повеќе податоци во наредните недели.
„Случаи на Ковид-19 се очекуваат и кај вакцинирани лица, но во мал и предвидлив сооднос“, проценува СЗО.