Европските берзански индекси денеска бележат најголем пораст, поттикнати од добрите продажни резултати од производителите на луксузна облека Бурбери, ЛВМХ и Керинг, додека на пазарот истовремено бележат пораст на цените на нафтата, златото и пченицата.
Светскиот економски форум во Давос завршува денеска, а на последната дискусија за оваа година, закажана за 11:00 часот, меѓу другите ќе учествуваат и директорката на Меѓународниот монетарен фонд Кристалина Георгиева и претседателката на Европската централна банка Кристин Лагард, кои ќе разговараат за глобалната економска перспектива.
Франкфуртската берза DAX во 10:45 часот порасна на 21.501,44 поени, францускиот CAC 40 на 7.965,89 поени, московскиот MOEX на 2.954,53 поени, додека британскиот FTSE 100 падна на 8.534,91 поени.
Вредноста на американскиот берзански индекс Dow Jones се искачи на 44.565,07 поени пред отворањето на берзите во САД денеска, вредноста на Nasdaq индексот се искачи на 20.053,68 поени, додека индексот S&P 500 падна на 6.118,71 поени.
Според сегашните берзански податоци, цената на суровата нафта порасна на 74.835 долари, а на нафтата од типот брент на 78.422 долари.
Европските фјучерси на гас за февруари се тргуваа на отворањето на берзата ТТФ по цена од 49.550 евра за мегават-час.
Цената на златото порасна на 2.774,12 долари за унца, а на пченицата падна на 5,5068 долари за бушел (бушел е 27,216 кг).
Вредноста на еврото во однос на доларот на берзата Forex изнесува 1,05010, што е за 0,82 отсто повеќе од вчера.