Три месеци по почетокот на руската инвазија на Украина, војната и ризиците што таа ги носи за светската економија ќе бидат во срцето на Светскиот економски форум (СЕФ) во Давос.
Собирот се враќа во швајцарскиот зимски центар по две години поради пандемијата на Ковид-19.
Минатата година традиционалниот годишен состанок се одржа онлајн, а варијантата омикрон повторно ја помести оваа година, од јануари во мај.
Во Германија, јавниот превоз во наредните три месеци е речиси бесплатен за сите
„Нашите први мисли се насочени кон војната во Украина“, рече основачот на СЕФ, Клаус Шваб, презентирајќи ја програмата на овогодинешниот собир.
Во срцето на годишниот состанок ќе бидат кризите – војната во Украина, пандемијата на коронавирус и климатските промени ќе доминираат на состанокот, кој ќе се одржи од понеделник до четврток.
Меѓу другото, учесниците ќе разговараат за последиците од војната врз синџирите на снабдување, снабдувањето со енергија и безбедноста на храната.
„Историја на пресвртница: владини политики и деловни стратегии“
Украинскиот претседател Володимир Зеленски треба да биде првиот што ќе одржи виртуелен говор. Гости на форумот се очекува да бидат градоначалникот на Киев Виталиј Кличко и неговиот брат Владимир.
Во Германија, јавниот превоз во наредните три месеци е речиси бесплатен за сите
Германскиот министер за економија Роберт Хабек ќе разговара со учесниците во понеделник наутро како дел од панел дискусијата за тоа како Германија има намера да стане помалку зависна од руската енергија.
Во четврток во Давос треба да има говор и германскиот канцелар Олаф Шолц. На четиридневниот собир во швајцарските Алпи, речиси 2.500 учесници од политиката и економијата ќе разговараат за решенијата на меѓународните проблеми.
Мотото на овогодинешниот собир е „Историја на пресвртница: владини политики и деловни стратегии“.
„Нашето главно барање до светот е – не престанувајте да ја поддржувате Украина“, им рече на новинарите во неделата Ивана Климпуш, украинска парламентарка која пристигна во Давос, повикувајќи да не дозволи Русија да води нова војна против никого во регионот.
„Ни треба оружје, повеќе од било што друго“, рече Анастасија Радина, друга украинска пратеничка во Давос.
Со оглед на санкциите наметнати на Русија, СЕФ ја исклучи земјата од својот годишен состанок оваа година.