Сегашната криза со нафтата и гасот предизвикана од блокадата на Ормутскиот теснец „е посериозна од оние од 1973, 1979 и 2022 година заедно“, изјави Фатих Бирол, раководител на Меѓународната агенција за енергија (ИЕА), за весникот „Ле Фигаро“.
„Светот никогаш не доживеал прекин на снабдувањето со енергија од ваков обем“, рече тој во интервју за француски весник објавено во вторник.
Тој додаде дека европските земји ќе бидат погодени, како и Јапонија, Австралија и други, но дека најранливи се земјите во развој кои ќе страдаат поради повисоките цени на нафтата и гасот, повисоките цени на храната и општото забрзување на инфлацијата.
Земјите-членки на ИЕА минатиот месец се согласија да ослободат дел од своите стратешки резерви.
Дел од нив веќе се пуштени на пазарот и процесот продолжува, рече Бирол.
Како реакција на нападите од Израел и САД, Иран речиси целосно го блокираше сообраќајот во Ормутскиот теснец, низ кој нормално минуваат околу 20 проценти од светската нафта и гас, што предизвика нагло зголемување на цените на енергијата.