Владата на Венецуела објави дека привремената претседателка на земјата, Делси Родригез, не планира никакви патувања во странство во блиска иднина.
Венецуелскиот министер за комуникации, Фреди Нанес, во објава на Телеграм изјави дека администрацијата предводена од Родригез „како влада е фокусирана на домашната агенда“, пренесува Ројтерс.
Колумбискиот претседател Густаво Петро денес изјави за „Ел Паис“ дека се очекува Делси Родригез да го посети колумбискиот главен град Богота во наредните недели, пренесува Танјуг.
„Таа бара две недели. Мора да види што се случува во нејзината земја“, рече Петро.
Извори од американската администрација претходно денес изјавија за „Еј-Би-Си Интернешнл“ дека Делси Родригез побарала да одржи серија политички состаноци во Вашингтон следната недела, вклучително и посета на Белата куќа.
Според истите извори, предлогот на Родригез да ги посети САД вклучува очекување дека таа ќе биде примена и во Белата куќа и од американскиот државен секретар Марко Рубио.