Веќе добро натопената Нова Англија се подготвува за повеќе врнежи, а Националната метеоролошка служба предупреди дека четвртина од американското население ќе биде изложено на екстремна топлина.
Делови од Нова Англија и области долж средината на Атлантикот ќе бидат погодени од силни дождови.
Невремето меѓу другите се очекува во Њујорк, Бостон и Филаделфија.
Предупредувања за поројни поплави, торнада и лизгање на земјиштето
„Со оглед на тоа што земјата е силно натопена од дождовите во изминатите десет дена, условите ќе бидат поволни за поројни поплави“, предупредуваат од центарот.
Гувернерката на Њујорк Кети Хочул ги повика жителите да го одложат патувањето додека не помине дождот бидејќи автомобилите може да бидат однесени од надојдените води.
Од метеоролошкиот центар најавија и можност за торнада и одрони.
Најмалку четири лица загинаа во саботата во поплавите во дел од градот Апер Макефилд во Пенсилванија, на околу 30 километри од Филаделфија, соопшти локалната полиција.
Спасувачите се’ уште трагаат по три исчезнати лица – деветмесечно момче, неговата двегодишна сестра и возрасна жена.
Поројни поплави беснеат во североисточниот дел на земјата во последните неколку дена, особено во Вермонт, чиј главен град Монпеље беше катастрофално поплавен, а за понеделник е најавен нов аларм.
Освен тоа подрачје, метеоролозите предупредија на обилни дождови во делови од централниот дел на САД и долината Мисисипи и во источен Тексас, делови од Арканзас и Луизијана и делови од Заливскиот брег.
Издадено е тревога за северозападниот дел на Пацификот и Калифорнија, преку Средниот Запад и сè до Флорида.
Во некои области, како Невада и Аризона, се очекуваат температури до 46 степени.
Вкупно околу 80 милиони луѓе ќе бидат изложени на топлотниот бран, соопштија од центарот.