Јато китови убијци повторно нападна едрилица кај Шпанија. Инцидентот се случил во неделата во близина на брегот на северозападот на земјата, а во спасувачката акција тешко е повредена една жена.
Не е познато колку орки имало во јатото, но крајбрежната стража изјавила дека на чамецот имало две лица и дека повикот за помош стигнал околу 16:00 часот.
Тие наведуваат дека се работи за дел каде брегот е многу карпест, и дека во моментот на нападот морето било многу разбранувано.
Не е соопштен идентитетот на патниците на едрилицата која речиси беше уништена од нападот на кит-убиец.
Наведено е само дека се работи за белгиски државјани и дека на бродот има знаме на Финска.
Официјални лица рекоа дека брод со шпанската поморска спасувачка служба пловел до нив со часови во неповолни временски услови кои вклучувале бранови високи речиси два метри и ветрови до 50 километри на час.
Додека била организирана операција за влечење за да му се овозможи на спасувачкиот брод полека да ја влече едрилицата до пристаништето Камаринс Норте, жената на бродот сериозно ја повредила раката и била вратена на копно.
Мисијата за извлекување на едрилицата била завршена само околу 21 часот и 30 минути.
Овој инцидент е само еден од серијата напади на китовите убијци на бродови во шпанските води и во регионот.
Во мај, јахта потона откако беше нападната од китови убијци во Гибралтарскиот теснец, тесен воден пат што ги поврзува Атлантскиот Океан и Средоземното Море меѓу јужна Шпанија и Мароко.
Непознат број орки удриле во бродот во кој имало две лица и ја пробиле структурата, па водата почнала да навлегува.
Вознемирените патници биле спасени од танер што минувал.
Нападите на орките на едрилици очигледно станаа почести во последниве години.
Извештаите за интеракции на китовите убијци со луѓето се зголемени за повеќе од три пати во изминатите две години, според истражувачката група наречена GTOA, која документира такви инциденти во и околу Пиринејскиот Полуостров.
Групата рече дека забележала стотици од овие интеракции од 2020 година, иако истражувачите забележале дека однесувањето на орките во Гибралтарскиот теснец и Бискејскиот залив – уште едно жариште за интеракции со китовите убијци – значително се намалило помеѓу јануари и мај оваа година во споредба со минатата година.