Стејт департментот откри дека Доналд Трамп и неговото семејство добиле 117 непријавени подароци, вклучително и кама во вредност од 35.000 долари.
Поранешниот претседател на САД, заедно со другите членови на семејството Трамп, не пријавиле повеќе од 100 подароци во вредност од речиси 300.000 долари што ги добиле од странски влади.
Подароците биле примени за време на претседателствувањето на Трамп помеѓу 2017 и 2020 година.
Иванка Трамп, нејзиниот сопруг Џаред Кушнер и нивните деца, исто така, наводно се одговорни за 33 необјавени подароци вредни речиси 82.000 долари, пренесува Klix.ba.
Законот за странски подароци и надоместоци им забранува на претседателот и федералните службеници да примаат странски подароци во вредност од повеќе од 415 долари.
Подароците дадени од официјални лица како што се кинескиот претседател Си Џинпинг и саудискиот престолонаследник Мохамед бин Салман никогаш не биле пријавени во Стејт департментот.
Демократите во Претставничкиот дом рекоа дека неоткривањето на подароците предизвика сериозна загриженост за потенцијална корупција, бидејќи подароците може да се искористат за купување влијание во американската политика.
Пратеникот Џејми Раскин од Мериленд, највисокиот демократ во Надзорната комисија на Претставничкиот дом, рече дека подароците што недостасуваат „сугерираат сериозно прекршување на клаузулата за странски надоместоци“, според Си-Ен-Ен.
Иако Стејт департментот ја започна својата истрага пред една година, во соопштението на 17 март, тие рекоа дека новите информации добиени од комитетот откриваат дека неоткривањето подароци од странски влади биле пошироко распространети од претходно познатите и се прошириле на целата администрација на Трамп.
„Внатрешните записи од Белата куќа добиени од Комитетот покажуваат дека списоците што Белата куќа ги доставила до Канцеларијата на шефот на протоколот не ги вклучувале сите странски подароци добиени од поранешниот претседател Трамп и првото семејство, не само во 2020 година, туку и во текот на целата администрација на Трамп“, рече тој во извештајот.
Во соопштението се вели дека записите покажуваат дека Трамп и неговото семејство добиле 117 непријавени странски подароци во вредност од приближно 291.000 долари.
Меѓу подароците се и кама на емирот од Катар (проценета на 35.000 долари), свилен тепих од Узбекистан (проценета на 12.000 долари) и портрет на Трамп од Ел Салвадор во природна големина, чие место сѐ уште не е познато.