Британскиот премиер Кир Стармер треба да ги изложи аргументите за Велика Британија и нејзините западни сојузници да започнат мултинационална одбранбена иницијатива што би можела да го надгледува заедничкото набавување оружје и да ги намали трошоците за вооружување.
Се очекува Стармер да ја покрене идејата на безбедносната конференција во Минхен овој викенд, објави „Фајненшл тајмс“, повикувајќи се на британски владини претставници.
Стармер наводно ќе повика на поблиска одбранбена соработка со сојузниците во говорот во сабота, а истото ќе го стори и во приватни разговори со другите лидери на тридневниот настан.
Порано овој месец, Стармер рече дека неговата влада ќе разгледа аплицирање за приклучување кон друг можен фонд на Европската унија од повеќе милијарди евра за одбранбени проекти, потсетува Ројтерс, додавајќи дека планот на Велика Британија да се приклучи на оригиналниот фонд SAFE на Европската комисија од 150 милијарди евра, наменет за одбрана, пропадна во ноември откако владата на Стармер одби да плати финансиски придонес за приклучување, пренесува Танјуг.