Цариниците на Табановце неделава заплениле 413 парчиња облека, фустани, женски пантолони, маици и кошули.
Како што информираат од Царинската управа парчињата облека биле ооткриени на влез во државта на граничен премин Табановце при контрола на автобус со македонски регистарски таблички.
На прашање на царинскиот службеник дали има нешто да пријави, возачот на автобусот изјавил дека нема ништо за пријавување.
При царинска контрола на автобусот, во задна гума и во багажниот простор помеѓу торби и куфери на патници, замотани во најлонски кеси и торби излепени со леплива трака, била пронајдена непријавената стока.
Текстилните производи се привремено задржани а против возачот е поведена прекршочна постапка, стои во соопштението на ЦУ.
Никола Ивановски