Во смела и прецизно извршена ноќна операција, маскирани крадци украле вредни уметнички дела од музеј во северна Италија, вклучувајќи слики од познати уметници како Огист Реноар, Пол Сезан и Анри Матис.
Според полициските информации, четворица крадци провалиле во музејот „Фондазионе Мањани Рока“ во Траверсетоло, недалеку од Парма, во ноќта помеѓу 22 и 23 март.
Ја скршиле влезната врата и по кражбата избегале низ паркот околу музејот, пишува Феникс.
Портпаролот на музејот изјави за италијанскиот телевизиски канал Скај ТГ24 дека сторителите дејствувале исклучително брзо и организирано.
„Тие го извршиле грабежот за помалку од три минути, без импровизација, прецизно и структурирано“, нагласи тој.
Со активирање на алармниот систем, обезбедувањето и полицијата брзо пристигнале на местото на настанот, што ги принудило крадците брзо да избегаат.
Украдени ремек-дела
Меѓу украдените дела се „Die Fische“ (Лесните цреши), „Stillleben mit Kirschen“ (Мртва природа со цреши) и „Odaliske auf der Terrasse“ (Одалиска на тераса).
Ова се исклучително вредни уметнички дела кои припаѓаат на врвот на европското уметничко наследство.
Според италијанските медиуми, само сликата на Реноар е проценета на неколку милиони евра, а таа била едно од ретките негови дела изложени на постојана изложба во Италија.
Вкупната вредност на украдените слики се проценува на речиси десет милиони евра, а делото на Реноар изнесува околу шест милиони.
Истрагата е во тек
Полицијата моментално ги анализира снимките од безбедносните камери од музејот, како и од околните станбени згради и продавници, во обид да го идентификува сторителот.
Се очекува видео материјалите да бидат клучот за разјаснување на овој случај.
Музејот на фондацијата, основан во 1977 година, ја чува колекцијата на историчарот на уметност Луиџи Мањани, кој почина во 1984 година.
Неговата колекција вклучува дела од великани како Албрехт Дирер, Антони ван Дајк, Франциско Гоја и Клод Моне.
Оваа кражба претставува еден од најзначајните напади врз културното наследство на Италија во последните неколку години, а јавноста со нетрпение го очекува понатамошниот развој на истрагата и евентуалното враќање на исчезнатите уметнички дела.
Clamoroso furto d’opere arte nel parmense. Una banda di ladri ha sottratto dalla #FondazioneMagnaniRocca 3 quadri: capolavori di #Renoir, #Cezanne e #Matisse pic.twitter.com/7RzOkQxwG0
— Tg2 (@tg2rai) March 30, 2026