Високата инфлација и растот на цените загрижуваат многу граѓани, но има неколку трикови со кои може да се заштеди на струја.
Германски експерти тврдат дека четиричлено домаќинство со овие мерки може да заштеди речиси 500 евра годишно.
Добра алтернатива за заштеда на електрична енергија е LED осветлувањето.
За разлика од обичната сијалица, LED сијалицата троши осум вати за истиот прозрачен флукс (мерено во лумени). Со користење на LED осветлување, според советите на германски експерт, можете да заштедите над 120 евра, пишува списанието Fenix.
Можете да заштедите пари и во кујната.
На пример, се препорачува да се готви со капак на тенџерето, бидејќи на овој начин можете да заштедите и до 30 проценти од електричната енергија.
Готвењето со шпорет под притисок е особено економично бидејќи скратеното време за готвење се рефлектира со помала потрошувачка на енергија до 50 проценти.
Исто така, тенџерињата и тавите не треба да бидат помали од површината за готвење, инаку непотребно се троши енергија.
Кога станува збор за печење, не треба сите јадења да се ставаат во загреана рерна. Исклучок е деликатно тесто како бисквити.
Храната треба да се остави во рерна малку подолго отколку што пишува во рецептот, а рерната може да се исклучи неколку минути пред да биде готов оброкот.
Имено, преостанатата топлина треба да биде доволна за да го завршите оброкот.
Често е доволно да се перат алиштата на 30 или 40 степени, освен ако има големи дамки.
Во современите машини за перење, температурата на перење од 20 степени е доволна кога користите детергенти со ниски температури.
Со еко-програмата можете да заштедите струја, пари и вода, а пожелно е барем во лето да избегнувате да користите машина за сушење.
Заштеда на струја е можна и со телевизорите.
Имено, треба само да ја намалите осветленоста и контрастот на екранот. Многу уреди имаат дури и режим за заштеда на енергија што сепак обезбедува доволна осветленост и контраст.
Кога купувате големи апарати, изберете фрижидери со висока енергетска ефикасност.
Во споредба со стариот модел, ова заштедува околу 70 евра годишно. Исто така, намалувањето на температурата на фрижидерот за неколку степени може да заштеди околу 120 евра.
Со спуштање на парното за едно ниво можете да заштедите 75 евра.
Што се однесува до помалите уреди, WLAN рутерот треба да се исклучува ноќе, а мобилните телефони и лаптопите да не се полнат подолго од потребното.