Сомалија понуди да го обнови договорот што им овозможува на САД пристап до нејзините пристаништа и аеродроми за воени цели, одговарајќи на слична понуда од отцепениот регион Сомалиленд.
– Сомалија и Соединетите Американски Држави имаат долгогодишна рамка за соработка, вклучително и договор од 1980 година за пристап до пристаништа и аеродроми за воени цели – изјави државниот министер за надворешни работи Али Мохамед Омар Балкад.
„Федералната влада неодамна понуди да го обнови тој договор, кој останува соодветен и легитимен канал за каква било безбедносна соработка.“
Странските сили ја продлабочуваат воената соработка со Сомалија во последниве години, привлечени од нејзината стратешка позиција на влезот во Црвеното Море и близината до Јемен, каде што бунтовниците Хути ги загрозуваат клучните поморски патишта.
Во текот на изминатите децении, вклученоста на Соединетите Држави во Сомалија се фокусираше на борбата против тероризмот, особено бунтовничката група поврзана со Ал-Шабаб, како и борците на ИСИС.
Коментарите на Али Мохамед Омар Балкад дојдоа еден ден откако висок функционер на Сомалиленд изјави дека полуавтономниот регион е подготвен да им понуди на САД пристап до своите минерални богатства и воени бази, во обид да ги прошири дипломатските врски.
Сомалија ја смета Сомалиленд за дел од својата суверена територија.
– Ставот на Сомалија е јасен: сите договори што се однесуваат на територијата на Сомалија, нејзините пристаништа, воздушен простор или стратешки природни ресурси мора да се склучат преку уставните институции на Сојузна Република Сомалија – рече Балкад.
„Секое соопштение од регионалната администрација што подразбира „ексклузивни права“ во минералниот сектор или обиди за обврзување на надворешни страни нема правна важност“.